VISITA AO COMPOSTEIRO COMUNITARIO

O venres 17 de xuño realizamos unha saída para ver un composteiro comunitario. Acompañounos Antón, do programa revitaliza, e contamos coas explicacións de Yolanda, a mestra composteira do noso concello. Moitas grazas aos dous!

OBRADOIRO CONTRA O ACOSO

Durante os días 7, 8 e 10 de xuño realizouse en cuarto curso un obradoiro sobre Convivencia e Acoso Escolar. O encargado de levalo adiante foi o Gabinete Psicolóxico Á Carón. Abaixo podedes ver fotos do traballo dos tres días. Sementamos cada día un mellor futuro para todos e todas.

PLENO INFANTIL DO CONCELLO

Representantes de 4º, 5º e 6º curso participan do Pleno Infantil do 9/06/2022 sobre o Obxectivo de Desenvolvemento Sostible 3: Saúde e Benestar.  O resto dos compañeiros seguimos o pleno on line.

Clicando na primeira foto podedes ver o vídeo do Pleno na páxina de Facebook do Concello:

 

CONCERTO DA ESCOLA DE MÚSICA

Marabilloso o concerto didáctico "Monstros por aquí, monstros por alá" realizado pola Escola de Música.

UN ALMORZO PARA PENSAR

 "Un almorzo para pensar", así é como se titula  a pequena historia que os alumnos de valores de 4º gravaron para facernos reflexionar e que podedes ver no blog da biblioteca clicando na foto.

LIMPAMOS A PRAIA DE MEIRA

 O pasado venres o alumnado de 3º e 4º de Seara foi limpar a praia de Arnau en Meira. Fixeron un traballo marabilloso e recolleron máis de 40 kilos de lixo. Despois tocou merendar á sombriña e xogar no parque de Sanmertolameu, O Faro de Vigo fíxose eco deste traballo, pinchade na foto para ver a noticia do Faro, debaixo tedes algunhas fotos dese día.

VOLVEN OS BOOKTUBERS A SEARA

O alumnado de 4º gravou as súas recomendacións lectoras.  Se pinchades na foto de abaixo iredes ao blog da biblioteca e poderedes verlas. Non se lles dá nada mal facer de booktubers!